Ат-Башы районунда чычырканактын көчөттөрү отургузулду. Сүрөт
17:47 15.04.2022 (Жаңыртылды: 17:52 15.04.2022)
© Фото / Алмазбек Омурзаков
Жазылуу
Аким башка айылдарда карагат, чычырканак көчөттөрүн тигүү аракети көрүлүп жатканын кошумчалаган.
БИШКЕК, 15-апр. — Sputnik. Нарын облусунда карагат, чычырканак сыяктуу өсүмдүктөрдүн кластерин түзүү колго алынып, Ат-Башы районунда чычырканактын көчөттөрү тигилди. Бул тууралуу аймактык кабарчы билдирди.
1/3
© Фото / Алмазбек Омурзаков
Нарын облусунда карагат, чычырканак сыяктуу өсүмдүктөрдүн кластерин түзүү колго алынып, Ат-Башы районунда чычырканактын көчөттөрү тигилди
2/3
© Фото / Алмазбек Омурзаков
Ак-Жар айылынын тургуну, жеке ишкер Темирбек Сыдыков айыл өкмөтүнөн ижарага беш гектар жер алып, эки гектарын тосуп, бир гектарына 1 000 түп чычырканак айдаган
3/3
© Фото / Алмазбек Омурзаков
Ал дагы 1 700 түп алып келүүгө аракет кылып жатат
1/3
© Фото / Алмазбек Омурзаков
Нарын облусунда карагат, чычырканак сыяктуу өсүмдүктөрдүн кластерин түзүү колго алынып, Ат-Башы районунда чычырканактын көчөттөрү тигилди
2/3
© Фото / Алмазбек Омурзаков
Ак-Жар айылынын тургуну, жеке ишкер Темирбек Сыдыков айыл өкмөтүнөн ижарага беш гектар жер алып, эки гектарын тосуп, бир гектарына 1 000 түп чычырканак айдаган
3/3
© Фото / Алмазбек Омурзаков
Ал дагы 1 700 түп алып келүүгө аракет кылып жатат
"Ак-Жар айылынын тургуну, жеке ишкер Темирбек Сыдыков айыл өкмөтүнөн ижарага беш гектар жер алып, эки гектарын тосуп, бир гектарына 1 000 түп чычырканак айдаган. Ал дагы 1 700 түп алып келүүгө аракет кылып жатат. Көчөттөр Балыкчы шаарынан ар бири 200 сомдон сатып алынган. Мындан сырткары, Кара-Коюн айылындагы Миң-Булак участкасында жети гектар муниципалдык жер тосулуп, чычырканактын, карагаттын, ит мурундун көчөттөрүн тигүүгө даярдалды. Талды-Суу айылында дагы 0,8 гектар жерге чычырканак айдалганы турат", — деген райондун акими Эмилбек Абдыкадыров.
Облус жетекчиси Сабыркул Ашимбаев Ат-Башы районунун Ак-Жар айылындагы чычырканак аянтында болуп, көчөт отургузуу ишине катышкан.
Аким башка айылдарга да бул өсүмдүктөрдүн көчөтүн тигүү аракеттери көрүлүп жатканын кошумчалады.
