https://sputnik.kg/20240504/vengriya-tim-nato-asker-ukraina-1084820292.html
Венгриянын ТИМи: НАТОнун аскерлерин Украинага жөнөтүүгө жол берилбеши керек
Венгриянын ТИМи: НАТОнун аскерлерин Украинага жөнөтүүгө жол берилбеши керек
Sputnik Кыргызстан
Макрон эгер Киев суранса, НАТО күчтөрү Украинага бара аларын айтты. Ал эми Венгриянын министри европалык лидерлерди Москва менен тынчтык келишимин түзүү... 04.05.2024, Sputnik Кыргызстан
2024-05-04T14:02+0600
2024-05-04T14:02+0600
2024-05-04T14:02+0600
россиянын донбассты коргоо боюнча атайын операциясы
россия
венгрия
европа
батыш
украина
нато
саясат
https://sputnik.kg/img/07e8/05/04/1084814388_0:0:3072:1728_1920x0_80_0_0_4cd8fca24fcf968fc76827a2375d8ceb.jpg
БИШКЕК, 4-май — Sputnik. Венгриянын тышкы иштер министри Петер Сийярто Украинага НАТОнун аскерлерин жөнөтүү кызыл сызыктан өтүп кетүүнү билдирерин Франциянын LCI телеканалына айтты. Будапешт Франция президентинин Украинага НАТО күчтөрүн жөнөтүү тууралуу сөздөрүн коркунучтуу деп эсептейт. "Венгрия Украина менен катарлаш жайгашкан өлкө катары эскалацияга кызыкдар эмес" деп белгиледи министр. Ал ошондой эле жаңы курал-жарактарды, аскер кызматкерлерин же өзөктүк куралды жөнөтүү жөнүндө ойлонгондун ордуна атышууну токтотуу жана тынчтык сүйлөшүүлөрүн баштоо керектигин кошумчалады."Бул Европанын согушу эмес. Европага чабуул жасалган жок. Бул эки өлкөнүн ортосундагы жаңжал жана анын күчөшү өтө кооптуу. Эгер Россия менен байланыш каналдарын үзүп алсак, анда тынчтыкка жетишүү мүмкүнчүлүгүнөн ажырап калабыз. Байланыш каналдары Россияда бийликте тургандар менен болушу керек", — деди ал.Буга чейин Франциянын президенти Эммануэль Макрон Economist журналындагы маегинде эгер Россия фронтту бузуп өтүп, Киевден өтүнүч түшсө Украинага аскерлерин жөнөтүү мүмкүнчүлүгүн жокко чыгарбай турганын билдирген. Анын айтымында, "көп өлкөлөр" аскерлерди жайгаштыруу боюнча Франциянын позициясына макул болушкан.Россиянын Берндеги элчиси Сергей Гармонин буга чейин РИА Новостиге билдиргенине караганда, РФ Швейцариядагы Украина боюнча конференцияга эч кандай форматта катышпайт. Анткени иш-чаранын максаты Москвага ультиматум коюу. Ал кошумчалагандай, бул конференция ызы-чуу жаратып, бирок куру пиар-кампанияга айланат. Президенттин маалымат катчысы Дмитрий Песков Украина боюнча Россиянын катышуусуз өткөн сүйлөшүүлөрдүн мааниси жок экенин белгиледи.
https://sputnik.kg/20240504/borreldin-ajtkandaryna-zaharovanyn-zhoobu-1084817019.html
венгрия
европа
батыш
украина
Sputnik Кыргызстан
media@sputniknews.com
+74956456601
MIA „Rosiya Segodnya“
2024
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
россия, венгрия, европа, батыш, украина, нато, саясат
россия, венгрия, европа, батыш, украина, нато, саясат
Венгриянын ТИМи: НАТОнун аскерлерин Украинага жөнөтүүгө жол берилбеши керек
Макрон эгер Киев суранса, НАТО күчтөрү Украинага бара аларын айтты. Ал эми Венгриянын министри европалык лидерлерди Москва менен тынчтык келишимин түзүү жөнүндө көбүрөөк ойлонууга чакырды.
БИШКЕК, 4-май — Sputnik. Венгриянын тышкы иштер министри Петер Сийярто Украинага НАТОнун аскерлерин жөнөтүү кызыл сызыктан өтүп кетүүнү билдирерин Франциянын
LCI телеканалына айтты.
"Кокус Украинада европалык же америкалык аскерлер болсо кызыл сызыктан өтүп кеттик дегенди билдирет. Биз НАТО менен Россиянын ортосунда тирешүүнү болтурбоо үчүн бардыгын жасоо зарыл деген бүтүмгө келдик. Эгер НАТОго мүчө өлкө Украинага аскерлерин жиберсе, анда Москвага каршы чыккандык болот дагы, үчүнчү дүйнөлүк согушту жаратат", — деди Сийярто.
Будапешт Франция президентинин Украинага НАТО күчтөрүн жөнөтүү тууралуу сөздөрүн коркунучтуу деп эсептейт. "Венгрия Украина менен катарлаш жайгашкан өлкө катары эскалацияга кызыкдар эмес" деп белгиледи министр. Ал ошондой эле жаңы курал-жарактарды, аскер кызматкерлерин же өзөктүк куралды жөнөтүү жөнүндө ойлонгондун ордуна атышууну токтотуу жана тынчтык сүйлөшүүлөрүн баштоо керектигин кошумчалады.
"Бул Европанын согушу эмес. Европага чабуул жасалган жок. Бул эки өлкөнүн ортосундагы жаңжал жана анын күчөшү өтө кооптуу. Эгер Россия менен байланыш каналдарын үзүп алсак, анда тынчтыкка жетишүү мүмкүнчүлүгүнөн ажырап калабыз. Байланыш каналдары Россияда бийликте тургандар менен болушу керек", — деди ал.
Буга чейин Франциянын президенти Эммануэль Макрон Economist журналындагы маегинде эгер Россия фронтту бузуп өтүп, Киевден өтүнүч түшсө Украинага аскерлерин жөнөтүү мүмкүнчүлүгүн жокко чыгарбай турганын билдирген. Анын айтымында, "көп өлкөлөр" аскерлерди жайгаштыруу боюнча Франциянын позициясына макул болушкан.
Россиянын Берндеги элчиси Сергей Гармонин буга чейин РИА Новостиге билдиргенине караганда, РФ Швейцариядагы Украина боюнча конференцияга эч кандай форматта катышпайт. Анткени иш-чаранын максаты Москвага ультиматум коюу. Ал кошумчалагандай, бул конференция ызы-чуу жаратып, бирок куру пиар-кампанияга айланат. Президенттин маалымат катчысы Дмитрий Песков Украина боюнча Россиянын катышуусуз өткөн сүйлөшүүлөрдүн мааниси жок экенин белгиледи.
